Interesim për bashkëpunim ekonomik me Sllovakinë
Artikujt tjerė
- Interesim për bashkëpunim ekonomik me Sllovakinë
- AKP-ja nuk ka guxim të marrë vendim për hotelin “Grand”
- AKP-ja grumbullon edhe 2 milionë euro nga shitja përmes likuidimit
- Qeveria “ulë turrin” për rritjen ekonomike
- Agjencia Kundër Korrupsionit anulon tenderin e KEK-ut
- Kosova ka mbi 170 prona në rajon
- KEK-u e sheh me leverdi “zgjimin” e bllokut A2
- Deri më 2015: as rritje pagash, as punësime
- Premtohet e rritje e buxhetit deri më 2015
- Në Xërxë, edhe një pikë grumbulluese
Prishtinë, 27 prill - Avancimi i bashkëpunimit ekonomik në mes të komunitetit kosovar dhe atij nga Sllovakia mund të jetë çelësi i forcimit të suksesshëm të raporteve në mes të dyja shteteve. Në këtë drejtim Oda Ekonomike e Kosovës është e gatshme të japë kontributin e vet përmes bashkëpunimit me Odat Ekonomike nga Sllovakia që të krijohet një urë e bashkëpunimit ekonomik nga e cila urë do të zgjerohet ky partneritet edhe në fusha të tjera, theksoi kryetari i Odës Ekonomike të Kosovës Safet Gërxhaliu me rastin e pritjes në takim shefin e Zyrës Sllovake në Kosovë Henrik Markus dhe znj. Elishka Slavikova nga Instituti për Politika Evropiane.
"Është e vërtetë se falë mospranimit të Pavarësisë së Kosovës nga ana e Sllovakisë shumë procese ekonomike janë anashkaluar dhe kjo e dëmton avancimin e më tutjeshëm dhe jam i mendimit se duhet të kemi një qasje më proaktive në këndvështrimin ekonomik, të krijojmë mundësi për dialogim dhe partneritet mes ndërmarrësve kosovare dhe atyre sllovak dhe e tëra kjo të jetë platformë e cila do të ndikojë edhe në instanca të tjera që të kuptohet një realitet i ri rreth Kosovës" theksoi Markus.
Znj. Slavikova tha se pas pjesëmarrjes në konferencën e organizuar nga Ministria e Punëve të Jashtme të Kosovës, ku ishin të pranishme shtetet që nuk e kanë pranuar Kosovën duhet të krijohen raporte të bashkëpunimit ekonomik dhe në këtë drejtim do të japë kontributin e saj që të informojë instancat dhe ndërmarrjet sllovake për mundësitë e bashkëpunimit.
