Edhe e majta dështoi të formojë qeverinë greke
Artikujt tjerė
- Edhe e majta dështoi të formojë qeverinë greke
- Nesër në Maqedoni protestojnë shqiptarët, të shtunën maqedonasit
- Neonazistët grekë thonë se shqiptarët janë grekë
- Goditet grupi kroat i trafikantëve të kokainës
- Thellohet kriza në Greqi
- Beogradi lobon te “të painkuadruarit” kundër Kosovës
- SHBA kërkon gjetjen dhe dënimin e vrasësve të vëllezërve Bytyçi
- Serbia ka bazë për njohjen e pavarësisë së Kosovës
- Të akuzuarit për vëllezërit Bytyçi shpallen të pafajshëm
- Tadiq e Daçiq pajtohen për bashkëqeverisje
Athinë, 10 maj - Partia e majtë radikale greke SIRIZA dështoi sot në formimin e Qeverisë së re greke, duke çuar në qorrsokak negociatat për formimin e një qeverisje të re pas zgjedhjeve të 6 majit, transmeton njoftimin INA.
Partia Demokracia e Re refuzoi mbrëmë koalicionimin me SIRIZA, pasi që sipas saj, kërkesat e kësaj partie të majtë do të çojnë vendin drejt një bankrotimi.
Demokracia e Re e udhëhequr nga Andonis Samaras të hënën mori mandatin për formimin e Qeverisë së re, mirëpo ajo ktheu mandatin për shkak se nuk arriti të arrijë marrëveshjen për formimin e koalicionit qeverisës.
SIRIZA si partia e dytë që doli nga zgjedhjet, dje nuk ka arritur që të merret vesh edhe me partinë socialiste PASOK, e cila i kishte refuzuar çdo bashkëpunim. "Nuk mund të gjejmë marrëveshje", deklaroi kreu i PASOK, Evangelos Venizelos.
Ky i fundit ka propozuar një Qeveri uniteti kombëtar me pjesëmarrjen e Demokracisë së Re, SIRIZA, PASOK dhe të majtës Demokrate, por me një kusht që Greqia të mbetet në eurozonë. Lideri i SIRIZA, Cipras për sot ka planifikuar takimin me presidentin Papulias për t`ia kthyer mandatin për formimin e Qeverisë së re.
