Ambasada amerikane: Deklaratat e Gruevskit naive

Shkup, 22 maj - Ambasada amerikane në Shkup ka reaguar ndaj deklaratës së djeshme të kryeministrit maqedonas, Nikolla Gruevski, i cili akuzonte NATO-n se po udhëheq politikën e standardeve të dyfishta.

Në reagimin e Ambasadës thuhet se “Deklaratat e Zyrtarëve të Maqedonisë janë naive dhe është jo adekuate që Ambasada Amerikane t’i komentojë. Lajmet nga Çikago tregojnë se Samiti po ballafaqohet me sukses me shumë çështje të rëndësishme lidhur me Aleancën, dhe njëkohësisht theksohet se dyert e saj mbeten të hapura për partnerët që kërkojnë anëtarësim. Deklarata përfundimtare e Samitit, e mbështetur nga krerët e shteteve dhe qeverive, e lavdërojnë Maqedoninë për pjesëmarrjen e saj, dhe përsëritin Marrëveshjen për ofertë anëtarësimi, kur të zgjidhet kontesti i emrit me Greqinë”, thuhet mes tjerash në reagimin e ambasadës amerikane.

Në fund të reagimit thuhet se SHBA mbetet partner i fuqishëm dhe mik i Maqedonisë për përpjekjet e saj, në ndërtimin e një shoqërie të fuqishme dhe prosperuese, si dhe të arrijë qëllimet për integrim të plotë euro-atlantik.

Kryeministri i Maqedonisë, Nikolla Gruevski kishte drejtuar kritika dhe tone nervozizmi ndaj NATO-s, lidhur me mosdhënien e ftesës për anëtarësim në Samitin e Çikagos.

Komente (0)Shpërndaje artikullin

• 22:49Bayern - kampioni i ri i Evropës
• 22:40Vatikani shenjtëron një prift të njohur për luftën kundër mafias
• 22:36Paris: Ushtari sulmohet me sqepar
• 22:34Fieri heq simbolet e partive politike në qendër të qytetit
• 22:25“Ruby” gënjeu hetuesit
• 22:17Telefoni “po i ul kokën shoqërisë”
• 22:14Luftime në qytetin strategjik sirian të Qusairit
• 22:08Gashi fiton kryemeçin e mbrëmjes "Gani Muhaxheri"
• 22:00Vazhdon bilanci negativ tregtar
• 21:57Vejusha e zezë’ shpërthen veten, 11 të plagosur