Krasniqi: Kosova mund të marrë shumë shembuj të mirë nga Franca
Artikujt tjerė
- Krasniqi: Kosova mund të marrë shumë shembuj të mirë nga Franca
- Thaçi paralajmëron riformatimin e Qeverisë
- Pasaporta serbe sherr për ekstradim në Serbi
- SKV: Pushteti i korruptuar nuk po zgjedh më metoda që ta kap Universitetin
- Rohan: Kosova të zbatojë plotësisht Planin Ahtisaari, veçmas në veri
- Merdar: Kamionët nga Kosova hyjnë në Serbi, por jo edhe anasjelltas
- Zogjtë shtegtarë e njerëzit bashkë nëpër kohë
- Reagim i të suspenduarit për falsifikim të notës verbale
- Maturantët humbin orët e mësimit, përgjegjësit heshtin
- Qeveria ‘zbret’ pa zhurmë në veri
Prishtinë, 14 maj - Ministri i Kulturës, Rinisë dhe Sportit, Memli Krasniqi, theksoi sot se Franca ka qenë dhe është një nga vendet që ka mbështetur shumë zhvillimin e kulturës në Kosovë. Ai i bëri këto komente gjatë një takimi që pati me ambasadorin e Francës në Prishtinë, Jean François Fitou, me të cilin kanë biseduar për bashkëpunonim mes dy vendeve në fushën e kulturës dhe trashëgimisë. Ministri Krasniqi me këtë rast falënderoi ambasadorin Fitou për mbështetjen që ka dhënë shteti i tij. Në këtë takim ministri nga ambasadori Fitou ka pranuar ftesë zyrtare për të marrë pjesë në Konferencën inauguruese të projektit “Memoria e Ballkanit - Ruajtja dhe Promovimi i Trashëgimisë Audio-vizuele”, që do të mbahet më 1 Qershor në Zagreb. Ky projekt është një iniciativë e Institutit Nacional Audiovizual të Francës dhe i mbështetur nga Komisioni Evropian. Ministri e vlerësoi si shumë të rëndësishme nisjen e këtij projekti dhe shprehu falënderime për ftesën. Ai tha se Kosova ka shumëçka të bisedojë mbi trashëgiminë audio-vizuele, duke ditur faktin se shumë prodhime kinematografike të Kosovës gjenden në Serbi dhe shfaqi shpresën se në këtë drejtim do të ketë progres. Në fjalën e tij, ministri vlerësoi po ashtu se Franca është një nga adresat më të rëndësishme të kulturës në botë dhe bashkëpunimi sa më i thellë mes dy vendeve do të ishte shumë i frytshëm për komunitetin artistik në Kosovë. Ai e njoftoi ambasadorin me disa nga të arriturat që janë shënuar në kulturë dhe trashëgimi, por edhe sport, si dhe foli për projektet që janë në realizim e sipër dhe ato që pritet të realizohen.
Nga ana e tij, ambasadori .Jean Francois Fitou, tha se Franca është mjaft e interesuar që të japë një ndihmë të madhe në zhvillimin e kulturës, në kultivimin e vlerave të mirëfillta. Ai tha se ky
përkushtim i tyre do të vazhdojë, gjithnjë me synimin që të zgjerohen projektet dhe idetë. Ministri dhe Ambasadori Fitou u pajtuan që të
jenë në kontakt të vazhdueshëm dhe të punojnë në realizim të projekteve të përbashkëta.
