Kosovarët shpenzojnë 220 milionë euro në thirrje telefonike

Prishtinë, 27 maj – Kosovarët nuk po i kap kriza ekonomike. Shpenzimet vazhdojnë t’i rrisin. Kjo tregohet edhe në faturat e tyre të telefonave. Vitin e kaluar kosovarët kanë shpenzuar rreth 20 milionë euro më shumë në thirrjet telefonike sesa një vit më parë. Të dhënat e fundit të Autoriteti Rregullator të Telekomunikacionit tregojnë se kosovarët kanë rritur më së shumti shpenzimet e tyre në thirrjet telefonike me telefona mobilë, por nuk kanë lënë pa thirrur edhe më shumë me telefonat e tyre fiks. “Segmenti i telefonisë mobile ka shënuar rritje prej rreth 9.94 për qind ndërsa segmenti i telefonisë fikse ka shënuar rritje prej 0.67 për qind”, thuhet në raportin e ART-së, të publikuar këtë fundjavë.

Sipas të dhënave të ART-së, gjatë vitit 2011 kosovarët kanë shpenzuar hiç më pak se 199 milion euro, apo 18 milionë euro më shumë se gjatë vitit 2010, kur kishin harxhuar 181 milionë euro, shkruan sot Koha Ditore.

Sipas gazetës, në thirrje përmes telefonisë fikse, kosovarët gjatë vitit 2011 kanë shpenzuar mbi 20 milionë euro. Sipas të dhënave të ART-së, në krahasim me një vit më parë kosovarët kanë shpenzuar rreth 14 mijë euro më shumë.

Këto të dhëna tregojnë se mesatarisht çdo kosovar në thirrje telefonike shpenzon 126 euro brenda vitit, duke përfshirë këtu edhe fëmijët e porsalindur. 



(Më gjerësisht sot në të përditshmen Koha Ditore)

 

Komente (13)Shpërndaje artikullin

• 22:31Ambrosini këtë javë zyrtarizohet te Fiorentina
• 22:28Australia kualifikohet në Botërorin "Brazili 2014"
• 22:24Luca Toni vazhdon karrierën në Francë
• 22:19Barça në garë për Matan
• 22:15Guarin largohet nga Interi
• 22:10Në Guantanamo, 46 të pafajshëm mbeten në burg
• 21:55Irlanda përkrahë përspektivën evropiane të Kosovës
• 21:47Vetëvendosje djeg “Marrëveshjen me Serbinë”
• 21:43Berisha e Fejzullahu barazojnë me skuadrat e tyre
• 21:35Veton Berisha u kthehet stërvitjeve