Vera e kuqe për jetë të gjatë
Artikujt tjerė
- "Angara" do të lëshohet në maj të vitit 2014
- Shkencëtarët planifikojnë të nisin kafshët drejt kozmosit të largët
- Skulptura 3D prej sheqeri
- Google me metodë dërgimi parash përmes e-mailit
- Britanikët përgatiten për ekzaminimin e thelluar mjekësor "të gjenit Jolie"
- NASA teston navigatorin për kozmosin e largët
- Zbulohet mbushësi që karikon celularin për 20 sekonda
- Përdoruesit e YouTube ngarkojnë në të video 100 orë në minutë
- Lumturia arrihet në moshën 55-vjeçare
- Yahoo “blen” blogun Tumblr mbi 1 miliard dollarë
Studiuesit kanë konfirmuar se një element përbërës që gjendet tek vera e kuqe, lufton pasojat e dëmshme të plakjes dhe mund të ndikojë tek zgjatja e jetës, duke pakësuar sëmundjet që shoqërojnë plakjen. Ata thonë se ky studim dhe zbulime të tjera të kësaj fushe mund të çojnë në vitet e ardhshme, në zbulimin e një ilaçi kundër plakjes.
Resveratroli, një molekulë e vogël që gjendet tek vera e kuqe ka treguar se tek ekperimentet e kryera me mizat dhe krimbat, ka rritur ndjeshëm jetën e tyre, duke kufizuar sëmundjet, përfshirë kancerin dhe sëmundjen e zemrës. Studjuesit thonë se resveratroli ndikon pozitivisht tek speciet e ndryshme, duke shtuar aktivitetin e mitochondrias, që luajnë rolin e fabrikave të energjisë tek qelizat e njeriut.
Tani shkencëtarët për herë të pare kanë krijuar një model për minjtë, që mund të ëojë në të ardhmen në prodhimin e një ilaçi kundër plakjes. David Sinclair është professor i gjenetikës në Universitetin Harvard dhe autor i studimit më të fundit, që tregon për ndikimet pozitive të resveratrolit tek shëndeti i minjve, transmeton VoA.
“Puna në laboratoret tona dhe tani e disa kompanive synon gjetjen dhe zhvillimin e ilaçeve që mund të përdorin mbrojtësit natyralë të trupit kundër sëmundjes dhe shpresojmë që një ditë do të kemi ilaçe që mund të vonojnë avancimin e shumë sëmundjeve dhe ndoshta edhe të ngadalësojnë plakjen”, thotë Sinclair.
Substanca Resveratrol ndikon në shtimin e energjisë tek qelizat, duke aktivizuar një numër gjenesh të njohura si sirtuina. Ajo ndikon sidomos tek një gjen i quajtur SIRT1. Studentët në laboratorin Sinclair e çaktivizuan gjenin SIRT 1 tek minjtë, duke i dhënë atyre Tamoxifen, një ilaç që zakonisht përdoret për trajtimin e kancerit të gjirit. Kur minjve i dhanë doza resveratroli pasi SIRT1 ishte çaktivizuar, studiuesit zbuluan se përbërja nuk e përmirësoi funksionin e tyre mitokondrial, por vetëm shtoi energjinë tek ta. Studjuesi Sinclair thotë se ky zbulim konfirmon edhe një herë rolin e gjenit SIRT1 tek plakja e shëndetshme.
“Synimi ynë është që kur pacientët shkojnë tek mjeku dhe kanë diabet, apo sëmundjen e Alzajmerit në faza fillestare, mjekët t’i japin këtë ilaç. Si efekt anësor i këtyre ilaçeve është se ato të mbrojnë nga kanceri, nga sëmundjet e zemrës por të shtojnë energjinë. Këtë lloj ilaçi po përpiqemi ne të krijojmë. Dhe studimi i ri tregon se kemi hyrë në atë rrugë.”
Studjuesi Sinclair thotë se tani po fillojnë provat e resveratrolit tek njerëzit dhe ai parashikon se ilaçi i parë kundër plakjes mund të dalë brenda 5 vjetësh. Artikulli i gjentistit të Universitetit Harvard dhe kolegëve të tij është botuar në revistën mjekësore Metabolizmi i Qelizës.
