Kalendari historik, 23 prill 2012
Artikujt tjerė
- Kalendari historik, 23 prill 2012
- Pas 72 vjetësh shuhet “Vjesnik” i Kroacisë
- “Udhëtimi në Maqedoni” – e vërteta mbi ecejaket e shqiptarëve
- Buxhovi: Schmitt sulmon historinë shqiptare
- Artistët evropianë kërkojnë njohjen me kolegët kosovarë
- Kalendari historik, 21 prill
- Në Çarshinë e vjetër të Shkupit hapet “Libraria e Çarshisë”
- Përplasje në Filarmoninë e Kosovës, ikin tre instrumentistë
- Muzeu italian djeg vepra arti në shenjë proteste
- Ministria e Kulturës, qiraxhi në Venecie
1564 - Lindi dramaturgu i madh anglez i të gjitha kohërave, William Shakespear.
1616 - Vdiq në Madrid shkrimtari i famshëm spanjoll, Miguel de Servantes. Ai fitoi famë botërore me romanin "Don Kishoti i Mançës".
1661 – Charli II u kurorëzua mbret i Anglisë.
1858 - Lindi shkencëtari i famshëm i fizikës teorike, Maks Planti. Ai zbuloi teorinë e kuanteve, për të cilën fitoi çmimin “Nobel” më vitin 1918.
1897 - Lindi Lester Pirsen, burrë shteti dhe politikan i njohur kanadez. Pirsen fitoi çmimin “Nobel” më vitin 1957 për përpjekjet për të zgjidhur çështjen e Kanalit të Suezit. Nga vitet 1963-1968 ai ishte kryeministër i Kanadasë.
1918 - Flota britanike, nën komandën e admiralit Kejs, goditi bazën e nëndetëseve gjermane në Zibrug.
1945 - Ushtria ruse çliroi kampet e përqendrimit të Sashenhauzenit dhe Ravensbrukut.
1952 - Vdiq sopranoja e famshme gjermane, Elizabet Shuman. Ajo shkëlqeu me "Don Zhuanin" dhe "Kështu bëjnë të gjithë" të Mozartit.
1990 - Vdiq Polet Godard, aktore amerikane dhe ish-bashkëshortja e Charlie Chaplinit. Me bashkëshortin ajo interpretoi në filmat "Kohët moderne" dhe “Diktatori".
1990 - Kryeministri kinez Li Peng vizitoi Bashkimin Sovjetik. Kjo ishte edhe vizita e parë e një zyrtari të lartë kinez që nga viti 1964.
1996 - Britania mori një kthesë të fortë në politikën e saj lidhur me minat kundër forcave tokësore, ku theksoi nisjen e shkatërrimit të menjëhershëm të stoqeve të saj të minave dhe bashkimin me një fushatë ndërkombëtare për ndalimin e tyre. 28 shtete mbështetën ndalimin e përdorimit të minave tokësore. Sipas shifrave të IKB-së, në të gjithë botën ndodhen 100 milionë mina tokësore dhe çdo vit vriten dhe gjymtohen nga 250 mijë veta.
1996 – UNESCO-ja shpalli 23 prillin, si ditën e librit dhe të së drejtës së autorit, në kujtim të gjigantëve të letrave të shekullit të XVI, dramaturgut William Shakespear dhe autorit të "Don Kishotit", Miguel Servantes.
