Në Shtoj aksidentohen turistët malazezë

Shkodër, 29 qershor - Një autobus me 50 turistë malazezë i linjës Nikshiq-Selanik është përfshirë në një aksident të rrezikshëm mëngjesin e sotëm në aksin Shkodër-Hani i Hotit, vetëm 6 kilometra pa hyrë në Shkodër, në vendin e quajtur Shtoj i Ri.

Fatmirësisht të gjithë turistët kanë shpëtuar pa marrë dëmtime, ndërsa kanë mbetur të plagosur shoferi i autobusit me targa malazeze dhe drejtuesi i furgonit me targa të Shkodrës.

Autobuzi me turistë që lëvizte për në drejtim të Shkodrës është përplasur me një tjetër furgon transporti mallrash. Aksidenti ka qenë i fuqishëm dhe autobusi me turistë ka dalë nga rruga duke u përplasur me një mur rrethues, ndërsa furgoni ka bërë disa rrotullime horizontale.

Turistët janë transportuar me një tjetër autobus drejt Selanikut, ndërsa policia në vendin e ngjarjes ka nisur hetimet për shkakun e aksidentit ku dyshohet se furgoni me targa të Shkodrës të ketë humbur kontrollin si pasojë e mungesës së sinjalistikës pasi rruga në fjalë prej më shumë se dy vitesh është në ndërtim dhe ende nuk ka përfunduar.

 

Komente (1)Shpërndaje artikullin

• 12:16Fushatës “Ta pastrojmë Kosovën” i bashkohen të gjitha shkollat
• 12:14Mbi 4 mijë shqiptarë ia kërkojnë Serbisë pensionet
• 11:53Ish-vuajtësit e duan muze burgun Spaçit
• 11:49Digjet banesa dhe biznesi i kreut të PS në Prezë
• 11:49Plagoset kreu i PD në Shtiqën të Kukësit
• 11:43Mbi rrotacionin
• 11:41Romani “Në hirin e dashurisë”, një sagë moderne për mynxyrat e luftës
• 11:38Lirohet një i dyshuar për masakrën e Lybeniqit
• 11:30Një dokumentar për masakrën serbe në Burgun e Dubravës
• 11:27EULEX fillon intervistimin e “Grupit të Drenicës”