Tiranë: Zjarri shkrumbon punishten e drurit
Artikujt tjerė
- Tiranë: Zjarri shkrumbon punishten e drurit
- Në Itali, gjendet i vrarë shqiptari 34-vjeçar
- Nga një muaj paraburgim për tre muziktarë gjilanas
- Parandalohen raste të kontrabandës në ANP Prishtina
- Arrestohet edhe i dyshuari i tretë për vrasjen e tregtarit kinez
- Vrasja e kinezit, dy në pranga, një në kërkim
- Dy viktima të vapës në bregdet, njëri nga Mitrovica
- Arrestohet për armëmbajtje pa leje kreu i KBI-së të Kaçanikut
- Pranga për dy kontrabandistë të dyshuar të drogës
- Parandalohet kontrabanda e vajrave motorike dhe alkoolit
Tiranë, 23 qershor - Një zjarrfikës u plagos rëndë pas një shpërthimi në brendësi të godinës së djegur paraditen e sotme në zonën e Porcelanit, në kryqytet. Sipas të dhënave të policisë, zjarrfikësi i plagosur është 34-vjeçari Ervin Toska, i cili u dërgua menjëherë në spital, ndërkohë që dy zjarrfikës të tjerë dhe një qytetar patën vështirësi në frymëmarrje për shkak të tymit.
Zjarri që shpërtheu rreth orës 10:00 të paradites së sotme në zonën e Porcelanit, në krahun tjetër të rrugës përballë me godinën e IKV-së në Tiranë, rrezikoi dhe mjaft banesa përreth.
Burime nga vendi i ngjarjes bënë të ditur se flakët u përhapën me shpejtësi, për shkak të materialeve të drurit në brendësi të godinës, duke rrezikuar edhe disa ndërtesa që ndodhen pranë punishtes së drurit. Flakët ishin shumë pranë një vile 3 katëshe, e cila mësohet se është në pronësi të pronarit të punishtes së drurit , Agim Baçrami, por fatmirësisht forcat zjarrfikëse shmangën përfshirjen e saj nga zjarri.
Policia evakuoi banorët e zonës, për të shmangur çdo rrezik të mundshëm, ndërkohë që disa makina zjarrfikëse mbërritën menjëherë në vendin e ngjarjes dhe lokalizuan flakët pas rreth 45 minutash, të ndihmuara edhe nga banorët e zonës. Mësohet se zjarri ka shkaktuar dëme të konsiderueshme materiale.
Në një komunikim për NEWS24, kreu i zjarrfikësve Dilaver Laçi bëri të ditur se zjarri ishte shumë i fuqishëm dhe për normalizimin e situatës u angazhuan 6 makina zjarrfikëse. Sipas Laçit, shkak i rënies së zjarrit dyshohet të ketë qenë pakujdesia.
Pak orë pas rënies së zjarrit në punishten e drurit në zonën e Porcelanit, ekspertët përcaktuan shkaqet e ngjarjes. Sipas grupit hetimor, zjarri u shkaktua nga shkelja e rregullave të sigurimit teknik.
Mësohet se vatra e zjarrit ishte në elektromotorin e thithjes së mbeturinave, i cili ishte lënë pa pastruar nga punëtorët. “Një masë në elektromotorin për thithjen e tallashit shkaktoi zjarrin”- bënë të ditur ekspertët.
