Kontaminohet uji, ngordhin peshqit në lumin Drenica
Artikujt tjerė
- Këtë javë Kuvendi mblidhet dy herë, pret edhe Topin
- Kontroll special për pasagjerët nga Kosova
- Presidentja Jahjaga dekretoi Arta Ramën-Hajrizi, gjyqtare në Gjykatën Kushtetuese
- Haxhiq e sheh të panevojshme të ruhet nga KFOR-i
- FSK-ja tejkalon standardet e parashikuara nga NATO
- “Grandi” javën e ardhshme i rikthehet AKP-së
- Kontaminohet uji, ngordhin peshqit në lumin Drenica
- PDK-ja kërkon të tërhiqet Kodi Penal
- Fotomodeli shqiptar që kandidon për deputet në Parlamentin Zviceran
- Edhe nga dy muaj paraburgim të dyshuarve për shpërthimin në “Bill Clinton”
Prishtinë, 25 qershor – Një numër i konsiderueshëm i peshqve kanë ngordhur në lumin Drenica, i cili kalon në rajonin e Gllogocit e vazhdon nëpër fshatrat e Fushë-Kosovës, ku bashkohet me lumin Sitnica, shkruan sot “Koha Ditore”. Banorët e fshatit Vragoli thonë se asnjëherë më parë nuk ka pasur ngordhje të peshqve në këtë masë. Zyrtarët shtetërorë gjatë ditës së diel i kanë përfunduar analizat e ujit të lumit, por edhe të puseve të Ujësjellësit prej nga banorët e kësaj ane furnizohen me ujë të pijshëm.
Drejtori i Institutit Hidrometeorologjik të Kosovës, Sylë Tahirsylaj, i cili ishte pjesë e ekipit, ka bërë të ditur se janë kryer edhe analizat e ujit të lumit Drenica, të dielën pasdite.
Ai ka thënë se rezultatet e analizave tregojnë se uji i lumit është i helmuar në parametra të vegjël.
“Uji i pijshëm ka dalë se i përmbush të gjitha standardet dhe mund të përdoret. Nuk përbën ndonjë alarm”, ka thënë Tahirsylaj, duke shtuar se megjithatë uji i lumit është i kontaminuar.
E deri tek helmimi i ujit të lumit, Tahirsylaj ka thënë se ka ardhur nga bartja e xeheroreve me të cilat bujqit i kanë stërpikur arat.
“Pas reshjeve të shiut të gjitha ato pesticide që përdoren në bujqësi janë bartur në ujin e lumit, prandaj ka ndodhur kjo situatë. Ngordhja e peshqve ka ndodhur si pasojë e mungesës së oksigjenit”, ka thënë ai.
Lumi Drenica në fund të fshatit Vragoli bashkohet me lumin tjetër Sitnica. Ngordhja e peshqve ka ndodhur vetëm në lumin Drenica, kurse në lumin Sitnica nuk janë vërejtur peshq të ngordhur.
arbeni25.06.2012/13:19
Nuk eshte e verete qe peshqite kane ngordhur nga reshjet e shiut, kin se i kane shperlar persticidet dhe pleharet qe i kane sperkat bujqit, nje genjeshter e kulluar, ajo ka ndodh si pasoj e ndotjes nga fabrik e "Ferronikelit" e cila e ndote lumin ne menyre enorme, po keta si modeli i Syl Tahirsyles per pak pare, thone gjera te verteta.